Wanafunzi na baadhi ya Walimu wa Shule ya Sekondari ya Wasichana Lindi ( Lindi High School) wakiwa katika picha ya pamoja na maafisa kutoka Tume ya Kurekebisha Sheria Tanzania mara baada ya kuwapatia elimu ya sheria kuhusu Makosa ya Kimaadili na Makosa ya Kimtandao. Tarehe 28/4/2025

Naibu Katibu Tume ya Kurekebisha Sheria Tanzania Bi. Zainab Chanzi kushoto akisalimiana na Bi. Zuwena O. Jiri Katibu Tawala mkoa wa Lindi, mapema tarehe 28/4/2025 alipofika kumsalimu na kumueleza kuhusu Tume ya Kurekebisha Sheria Tanzania kuanza zoezi la utoaji wa elimu ya Sheria kwa Umma mkoani humo.

Mwanasheria Baraka Chipamba, kutoka Tume ya Kurekebisha Sheria Tanzania (LRCT), akitoa elimu kuhusu umuhimu wa kufungua mirathi baada ya marehemu kufariki wakati akizungumza na wananchi wa Kata ya Magomeni Bagamoyo mkoani Pwani Aprili 25, 2025.

Wadau wa Sheria kutoka mkoani Mtwara wakiwakilisha makundi ya Wenye Mahitaji Maalumu,Wajasiramali, Madereva Bajaji na Pikipiki pamoja na viongozi wa dini wakiwa katika picha ya Pamoja na Naibu katibu wa Tume ya Kurekebisha Sheria Tanzania Bi. Zainab Chanzi, alieketi katikati, wakiwa katika picha ya pamoja baada ya kumaliza kikao cha kuwajengea uwezo juu ya elimu ya Sheria kwa Umma kilichofanyika katika ukumbi wa Veta mkoani humo tarehe 25/4/2025.

Naibu katibu Mtendaji ambae pia ni Mkuu wa kitengo cha Elimu ya Sheria kwa Umma Tume ya Kurekebisha Sheria Tanzania Bi. Zainab Chanzi, akitoa elimu ya sheria kwa wanafunzi wa chuo cha ufundi Mtwara Tarehe 24/4/2025